Линктер

шейшемби, 18-декабрь, 2018 Бишкек убактысы 21:13

Митингчилер спикердин эл алдына чыгуусун талап кылууда


Өмүрбек Текебаевдин бошотулушун талап кылган митингчилер Ак үйдүн алдындагы акцияга парламент спикери Чыныбай Турсунбековдун, фракция лидерлерин жана башка депутаттардын чыгышын талап кылып жатышат. Ала-Тоо аянтында митинг кылып жаткандар кечки саат бешке жакын жөө жүрүш менен Ак үйгө барышкан.

Алар талаптарын президент Алмазбек Атамбаевге жеткирүү үчүн ушундай кадамга барганын айтып "Текебаевге боштондук!" деп бирин-бири сүрөп жатышат. Митингчилер бийликти басып алуу ниети жоктугун, болгону мыйзамдуулукту талап кылып жатышканын белгилешүүдө. Азырынча бийликтен эч ким чыккан жок.

“Ата Мекен” партиясынын лидери коррупцияга шектелип, 26-февралда кармалган. Бүгүн анын баш коргоо чарасы каралат. Анын колдоочулары Жалал-Абаддын Базар-Коргон районунда да нааразылыкка чогулушкан. (SE)

Сиздин пикир

пикирлерди көрсөт

XS
SM
MD
LG