Коомдук телерадиокорпорациянын башкы директору Илим Карыпбеков жол кырсыгына кабылып, ооруканага түштү. Учурда Бишкектеги №4 ооруканада ага операция жасалууда. Бул тууралуу Саламаттыкты сактоо министрлигинин маалымат катчысы Елена Баялинова “Азаттыкка” билдирди:
-Бишкектеги травматология жана ортопедия борборунун башкы дарыгери Алмаз Кубатбековдун маалыматы боюнча, Карыпбековго операция жасалып жатат. Врачтар анын абалын туруктуу оор деп баалашууда.
Маалыматтар боюнча Илим Карыпбековдун автоунаасы 1-мартта таңкы саат үчтөрдө Бишкектеги түштүк магистралда кырсыкка кабылган. Унааны Карыпбеков өзү айдап бараткан.
Окуя боюнча Ички иштер министрлигинин жол кайгуул кызматы азырынча маалымат бере элек.(ZKo)
Сиздин пикир
пикирлерди көрсөт