Линктер

ЧУКУЛ КАБАР!
19-Октябрь, 2021 шейшемби, Бишкек убактысы 15:05

Кыйноого каршы борбор Текебаевдин абактагы шартын текшерди


Кыйноолорго каршы улуттук борбор өкүлдөрү "Ата Мекен" партиясынын лидери Өмүрбек Текебаевдин абалы менен таанышты. Мекеменин жетекчиси Нурдин Сулайманов бүгүн "Азаттыкка" билдиргенине караганда, жолугушуу кечээ болду, Текебаев тергөө абагындагы шартка дооматы жок экенин айтып берди:

- Тергөө изоляторунун кызматкерлерине дооматым жок, керектүү дары дармектерим бар деп көрсөттү. Эки адвокаты бар экен. Тергөө ишине байланыштуу айтып келатып өзү токтоп калды. Себеби биздин мандат башка да. Колдон келсе дагы кайталап кандын уюшу боюнча тактоо иретинде анализ тапшырсам деген каалоосун айтты. Өзүнүн дарылоочу догдуру кирип-чыгып турат экен. Тергөө абагынын фельдшери кан басымын текшерип турат экен.

Сулайманов анализ тапшыртууга уруксат алыш үчүн УКМК жетекчисине кат жолдонгонун, 3-мартта да Текебаев менен жолугарын кошумчалады.

Жолугушууга Сулайманов менен кошо ал жетектеген мекеменин эки кызматкери да катышты.

Кыйноолорго каршы борбор Кыргызстандагы жабык жайларда адамдарды кармоо шартына мониторинг жүргүзүү максатында түзүлгөн. Ал камактагылардын тергөө иштерине кийлигишпейт.

Өмүрбек Текебаевди Башкы прокуратура орус жаранынан пара алган деп айыптоодо. УКМКнын тергөө абагында жаткан саясатчы бул айыпты четке кагууда. (RK)

Пикирлерди көрүңүз (43)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG