Сузакта 55 жаштагы киши аялы менен баласын бычактап, андан кийин өз жанын кыйган.
Райондун Ырыс айыл аймагынын тургуну 55 жаштагы киши 5-март түнү үй-бүлөлүк чырдан кийин 53 жаштагы аялын жана 21 жаштагы баласын бычактап, анан өзүнө кол салган. Облустук ИИБнын басма сөз кызматы билдиргендей, бычактан жараат алган үй-бүлөнүн дагы бир мүчөсү, 29 жаштагы кызы учурда ооруканада жатат.
Маалыматтарга караганда үй-бүлөнүн ээси ооган согушунун катышуучусу катары мээсинен жараат алып, дайыма Ош шаарындагы психикалык ооруканада дарыланып турган. Каргашалуу окуядан бир күн мурун үйдө ызы-чуу болуп, үй ээси мечитке кеткен бойдон келген эмес.
Сузак райондук ички иштер бөлүмү окуяга байланыштуу адам өлтүрүү беренеси боюнча кылмыш ишин козгоду. ((RsK)