Бишкекте экономика боюнча кыргыз-немис кызматташтыгын талдаган эки күндүк жыйын өтөт. Ага Германиядан Экономикалык кызматташтык жана өнүгүү министрлигинин статс-катчысы Ханс-Йохим Фухтел баштаган делегация келет.
Экономика министрлигинен кабарлашкандай 15-мартта башталчу жолугушууларда эки өлкөдөгү ишкерлердин, мамлекеттик мекемелердин алака-катышын чыңдоо багытында сүйлөшүүлөр болот.
Германия канцлери Ангела Меркель 2016-жылы Кыргызстанга иш сапары менен келген учурда президент Алмазбек Атамбаев менен эки тараптуу экономикалык кызматташтыкты жакшыртуу маселелерин талкуулашкан. (SE)
