Линктер

ЧУКУЛ КАБАР!
24-Июнь, 2021 бейшемби, Бишкек убактысы 00:37

Францияда президенттикке талапкер Фийонго кылмыш иши козголду


Франсуа Фийон.

Француз прокуратурасы мурдагы премьер-министр, президенттикке талапкер Франсуа Фийонду мамлекет каражатын ыксыз сарптаган деп кылмыш ишин козгоду.

Саясатчыга байланыштуу жаңжал январда тутанган. Француз медиасы Фийон депутат кезинде өз жубайын жардамчы катары каттап, чынында иштебесе да ага жүз миңдеген евро маяна бөлдүргөнүн жазып чыгышкан. Бул маалыматтардан соң француз прокуратурасы алдын ала иликтөө баштаган.

Республикачыл талапкер жубайын ишке алганы үчүн кечирим сураганы менен кандайдыр бир кылмышка барды деген айыптарды четке кагууда.

14-мартта анын партиялаштары шайлоо кампаниясы улана берерин билдиришти. Мурдараак Фийон тергөө башталса, шайлоого катышпасын айткан эле.

Талапкерлер рейтингинде эң алдыда келаткан Фийон азыр ашынган улутчул Элдик фронттун лидери Марин Ле Пенден кийинки экинчи орунга түштү. Франциядагы шайлоонун биринчи айлампасы 23-апрелге, экинчиси 7-майга белгиленген. (UE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG