Линктер

ишемби, 18-ноябрь, 2017 Бишкек убактысы 05:29

Сириянын борбору Дамасктын чыгыш тарабында козголоңчуларга ыктаган күчтөрдүн 19-марттагы чабуулунан кийин куралдуу кагылышуу орун алды. Бул тууралуу мамлекеттик медиа жана байкоочулар тобу билдиришти.

Адам укуктары боюнча Сирия обсерваториясы кабарлагандай, жекшемби күнү Жобар районунда бомба коюлган эки ууна жарылып, бир нече жанкечти өзүн жардырып жиберген. Андан көп өтпөй көтөрүлүшчүлөр Аббасид аянтына багыт алышып, бир нече имаратты ээлеп алышкан жана Дамасктын айрым конуштарына ракета ата башташкан.

Сириянын мамлекеттик медиасы өкмөттүк күчтөр туннел аркылуу түн жарымында Дамаска кирип келген “Аль-Каидага” байланышы бар “террорчулардын” мизин кайтарганын кабарлады.

Сирия баш калаасындагы мындай куралдуу кармаш Женевадагы тынчтык сүйлөшүүлөрүнө бир нече күн калган учурга туш келди. Жакынкы Чыгыштагы бул өлкөдө алты жылга созулган согуш баш аягы 320 миңдей адамдын өмүрүн алды.

XS
SM
MD
LG