Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 11:35

УКМК 2010-жылдагы талап-тоноочулук боюнча ишти тергөөнү өзүнө алды


Башкы прокуратура 2010-жылдагы талап-тоноочулук боюнча иштерди жана документтерди УКМКга өткөрүп берди. Улуттук коопсуздук боюнча мамлекеттик комиттин өкүлү Рахат Сулаймановдун “Азаттык” үналгысына билдиришинче, мындан ары ишти атайын кызматтын тергөөчүлөрү жүргүзөт:

- Учурда мародерчулук фактысы боюнча тергөө иши активдүү жүрүп жатат жана ыкчам тергөө амалдары жүргүзүлүүдө.

Аталган кылмыш иши 2012-жылы Башкы прокуратура тарабынан козголгон. Анда Кылмыш жаза кодексинин "каракчылык", "автомобилди же башка автомототранспорт каражатын укукка жат түрдө ээлеп алуу", "кымбат баалуу металлдарды, табигый асыл таштарды мыйзамсыз жүгүртүү" жана "ок атуучу куралдарды, ок-дарыларды, жарылуучу заттарды уурдоо же опузалап талап кылуу” беренелери боюнча иш козголуп, тергөөнү ИИМдин башкы тергөө башкармалыгы жүргүзүп келген.

Буга чейин 2010-жылдагы талап-тоноочулук боюнча бир катар адамдардын, анын ичинде “Ата Мекен” партиясынын айрым мүчөлөрүнүн аттары аталган.

"Ата Мекендин" лидерлери айтылган фактыларды четке кагып, курулай жалаа экенин билдиришкен. (SDz)

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG