Линктер

ЧУКУЛ КАБАР!
27-Октябрь, 2021 шаршемби, Бишкек убактысы 13:47

Жалал-Абад шаардык кеңеши өзүн-өзү таратуу чечимин кабыл алды


Жалал-Абад шаардык кеңешинин 7-чакырылышынын депутаттары бүгүнкү сессияда мөөнөтүнөн мурда өзүн-өзү таратуу чечимин кабыл алды. Бул демилгени 23 депутат колдоп берди.

Жергиликтүү өз алдынча башкаруу мыйзамынын 39-беренесине ылайык, депутаттардын үчтөн экисинин колдоосу менен өзүн-өзү таратса болот.
Шаардык кеңештин бул чечими эми БШКга жөнөтүлөт.

Кечээ 29-мартта шаардык кеңештеги беш фракциянын өкүлдөрү жабык эшик артында сүйлөшүп, мөөнөтүнөн мурда тароо чечимине келишкен. Сунушту "Өнүгүү-Прогресс" жана "Ата-Журт" фракциялары демилгелеген. Бирок бүгүнкү жыйынга "Өнүгүү-Прогресс" фракциясынын депутаттары катышкан жок.

Аталган шаардык кеңеште буга чейин КСДП, "Кыргызстан" жана "Республика - Ата-Журт" фракцияларынан коалиция түзүлгөн. Ал эми "Ата-Журт" жана "Өнүгүү-Прогресс" оппозицияда калган.

Алгачкы сессия 16-февралда өткөнүнө карабай, депутаттар жыйындарга чогулган эмес. (RsK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG