Линктер

ишемби, 16-декабрь, 2017 Бишкек убактысы 16:55

Башкы прокуратура Мамлекеттик каттоо кызматынын убактылуу иштен четтетилген жетекчиси Тайырбек Сарпашев баштаган бул кызматтын бир катар адамдарына кылмыш ишин козгоду.

Тергөөдө анык болгондой, 2013-жылы Мамкаттоо кызматы туулгандыгы тууралуу күбөлүктөрдүн бланктарын сатып алуу боюнча тендер өткөргөн. Ал кездеги биринчи вице-премьер-министр Сарпашев жеңилген компаниядан бланктарды сатып алууга уруксат берген. Натыйжада тендерден утулган компаниядан 40 миң даана туулгандыгы тууралуу күбөлүктүн бланктары сатылып алынып, Жарандарды каттоо департаментине берилип, өлкө боюнча таратылган.

2015-жылы Мамкаттоо кызматынын жумушчу тобу тендерден утулган компаниядан сатылып алынган 40 миң даана бланк “жараксыз” деп табылганын аныктаган. Себеби анын ички бетинде “туулгандыгы тууралуу күбөлүк” деген жазуунун катарында “нике тууралуу күбөлүк” деген жазуу турат.

Жараксыз күбөлүк менен чек арадан өтүп жатканда көйгөйлөр чыкканы боюнча жарандардан 12 миңге чукул арыз келип түшкөн. Бүгүнкү күндө жараксыз туулгандыгы тууралуу күбөлүктөр алмаштырылып жатканы менен 28 миңден ашык күбөлүк дагы деле ээлеринин колунда турат.

Бул факт боюнча Башкы прокуратура Кылмыш-жаза кодексинин 304 - “кызмат абалынан кыянаттык менен пайдалануу” беренеси боюнча иш козгоп, тергөө иштери УКМКга өткөрүлүп берилди.

Сарпашев тергөө менен кызматташууга даяр экенин жана күнөөсү жоктугун "Азаттык" радиосуна айтты.

Башкы прокуратура 10-февралда Бишкектеги Максим Бакиевдин бир гектардан ашык жеринин сатылып кеткени боюнча кылмыш ишин козгогон. Мындан улам өкмөт башчы Сарпашевди 13-февралда кызматынан убактылуу алган. (SDz)

Сиздин пикир

пикирлерди көрсөт

XS
SM
MD
LG