1-апрелде баш калаа Бишкекте жалпы ишембилик болуп өттү. Ага шаар башчысы Албек Ибраимов баштаган мэриянын кызматкерлери катышып, Айни жана Чапаев көчөлөрүнүн кесилишиндеги гүлбакты тазалашты.
"Зеленстрой" ишканасы тарабынан шаардагы арыктар, газондор тазаланды. Жалпы ишембилик Бишкекте 13-марттан тарта башталып, ага мамлекеттик мекемелер жана көп кабаттуу үйлөрдүн жашоочулары тартылууда. Айрыкча парк, гүлбактардагы арыктарды тазалоого өзгөчө маани берилип жатат. (BCh)
