Кытайдын Хюнан провинциясында H7N9 тумоосуна алты киши чалдыгып, бирөө каза тапканын "Рейтерс" агенттиги кабарлады. Аталган аймактагы куш этин саткан базарлар өткөн айда тумоодон улам жабылган эле.
Инфекция аймакта марттын ортосунан тарта күчөп, 29 760 канаттууда куш тумоосу аныкталып, 170 миңден ашуун үй канаттуусу жок кылынган. Быйылкы жылдагы куш тумоосу 2009-жылдагыдай күчөп жатканын жергиликтүү бийлик да белгилеп жатат. (BCh)
