Башкы прокуратура Саламаттык сактоо министрлигине караштуу Улуттук госпиталдын жооптуу кызматкерине кылмыш ишин козгоду. Көзөмөл органы 5-апрелде тараткан кабарга ылайык, шектүү кызматкер мекеменин акчасын кымырганы, иштебеген кишилердин эсебине айлык жазып жүргөнү аныкталган. Жыйынтыгында мамлекетке 883 миң 746 сом зыян келген.
Шектүүнүн үстүнөн Кылмыш-жаза кодексинин төрт беренеси менен кылмыш иши козголду. (SE)
