Рекс Тиллерсон АКШнын мамлекеттик катчысы катары биринчи жолу 12-апрелде Москвага бара турган болду. Бул маалыматты Орусиянын тышкы иштер министрлиги ырастады.
Тиллерсон Москвада орус кесиптеши Сергей Лавров менен сүйлөшүүлөрдү өткөрөт. Эки өлкөнүн башкы дипломаттары Сирия, Түндүк Корея жана Украина сыяктуу маселелерди талкуулашат.
Азырынча АКШ мамкатчысы орус президенти Владимир Путин менен жолугаар-жолукпасы белгисиз.
Facebook шеринеси