АКШ Конгрессинин Өкүлдөр палатасынын Чалгындоо комитетинин башчысы Девин Нуньес Орусиянын АКШдагы президенттик шайлоого ыктымал кийлигишүүсү боюнча иликтөөнү жетектөөдөн баш тартканын билдирди.
Республикачыл конгрессмен Этика боюнча комитет анын дарегине сын айткандыктан ушундай чечим кабыл алганын айтты. Нуньес ал айыптоолор чындыкка дал келбейт, мунун артында саясий жүйө бар деди. Иликтөөнү партиялашы Майк Конауэй убактылуу жетектемекчи. Нуньести Ак үйдүн расмий өкүлдөрү менен жашыруун жолугушуп турган деп айыпташууда. Сынчылар анын объективдүүлүгү күмөн жаратарын айтып келишет.
