Кыргызстанда ушул күндөрү күн жылып, ошол эле учурда жаан-чачын көбөйгөнүнө байланыштуу тоолуу аймактарда кар жана жер көчкү коркунучу жогору. Тоолуу унаа жолдоруна муз тоңот. Айдоочулар унаа ортосунда 500 метр аралыкты сактоого тийиш. Мындай кырдаал 10-апрелге чейин уланат.
8-апрелде түнкүсүн Ысык-Көл жана Нарын облустарында кыламык кар жаайт. Башка аймактарда жаабайт. Күндүз өлкө аймагында жаан-чачын болбойт. Батыштан соккон шамалдын ылдамдыгы секундасына 2-7 метрге жетет.
Абанын табы:
Чүй өрөөнүндө түнкүсүн 0…+5, айрым жерлерде -2 градус үшүк жүрөт. Күндүз +11…+16;
Талас жергесинде түнкүсүн 0…+5, айрым жерлерде -2 градус үшүк жүрөт. Күндүз +10...+15;
Ош, Баткен, Жалал-Абад облустарында түнкүсүн +1...+6, күндүз +13...+18;
Ысык-Көл облусунда түнкүсүн -4...+1, күндүз +5...+10;
Нарын облусунда түнкүсүн -1...-6, күндүз +5...+10;
Бийик тоолуу райондордо түнкүсүн -12...-17, күндүз -1...-6 градус болот.
Бишкек шаарында жаан-чачын болбойт. Түнкүсүн +1…+3, күндүз +13…+15 градус болот.
Facebook шеринеси