Түркиянын ички иштер министри Сулейман Сойлу Диярбакырдын полиция бекетиндеги окуяны кокустук деди. Бүгүн, 11-апрелде бекеттин автопаркындагы жарылуудан кеминде төрт адам жараат алган.
Сойлу кырсык брондолгон машинени оңдоо учурунда болгонун кошумчалады.
Диярбакыр Түркиянын түштүк-чыгышындагы эң ири, күрт улутундагылар басымдуулук кылган шаар. Чөлкөмдө отуз жылдан бери Күрт жумушчу партиясынын жоочулары өкмөттүк күчтөр менен тирешип келет.