Нобель сыйлыгынын лауреаты Малала Юсуфзай "Канаданын ардактуу жараны" наамын алып, өлкө парламентинде кайрылуу жасаган эң жаш өкүл болуп калды.
Канаданын премьер-министри Жастин Трюдо 12-апрелде жарандыкты ырастаган сертификатты 19 жаштагы Юсуфзайга тапшырды. Ал өлкө тарыхында мындай сыйлыктын эң жаш ээси болуп калды.
"Малала, сенин окуяң бардыгыбызды шыктандырды", - деди Трюдо.
Пакистандык активист Малала өлкөсүндөгү кыздардын билим алуусу үчүн күрөшүп келген. 2012-жылы 15 жашында, талиптер аны өзү жашаган Сват өрөөнүндө башка атып кетишкен. 2014-жылы ага Нобель сыйлыгы ыйгарылган.
