Экономика министрлиги БУУнун Өнүктүрүү программасы менен бирге ишке ашырылып жаткан "Ош облусунун интеграциялык өнүгүүсү" долбоорун талкуулады.
Министрликтен бүгүн кабарлашкандай, долбоор Туруктуу өнүгүүнүн улуттук стратегиясынын алкагында 2016-жылы кабыл алынган. Аны жүзөгө ашырууга каражатты Орусия өкмөтү бөлүп берген.
Бюджеттин жалпы суммасы 3,5 млн доллар.
Былтыр июлда башталган иштер 2019-жылдын декабрында жыйынтыкталат.
Максат - Кара-Кулжа, Өзгөн жана Ноокат райондорунда жакырчылыкты жоюу аркылуу чыр-чатактарды азайтуу жана адамдардын өнүгүүсүнө шарт түзүү. (RK)
