Линктер

шаршемби, 22-ноябрь, 2017 Бишкек убактысы 21:03

Президент Алмазбек Атамбаев «Чыңгыз Айтматовдун 90 жылдыгын майрамдоо жөнүндө» жарлыкка кол койду. Бул тууралуу президенттик аппараттын маалыматтык-саясат бөлүмү билдирди. Ага ылайык, Айтматовдун 90 жылдыгы улуттук жана эл аралык жогорку деңгээлде белгиленет.

Эки айлык мөөнөттө мааракеге даярдык көрүү жана аны уюштуруу комитетин түзүү, иш-чаралардын планын иштеп чыгып бекитүү, республикалык бюджеттен каражат бөлүү өкмөткө сунушталды. Жарлык расмий жарыяланган күндөн тарта күчүнө кирет.

Залкар жазуучу Чыңгыз Айтматов 1928-жылы 12-декабрда Талас облусунун Шекер айылында жарыкка келип, 2008-жылы 10-июнда көз жумган. Көзү тирүү болгондо 2018-жылы 90 жашка чыкмак. Анын туулган күнүнүн урматына 12-декабрь Кыргызстанда Улуттук адабият күнү деп жарыяланган. (NT)

Facebook шеринеси

XS
SM
MD
LG