Тышкы иштер министрлигинин маалыматы боюнча 37 жаштагы Талант Жумаев ФСБ башкармалыгына котормочу катары чакырылган. Маалыматка ылайык, Кыргызстандын аймактагы ардактуу консулу Каныбек Мырзабаев Жумаев жеткирилген ооруканага барып, кабар алган. Дарыгерлердин айтымында, Талант Жумаев реанимация бөлүмүндө жатат, абалы туруктуу оор деп бааланууда.
Федералдык тергөө бюросунун аймактык башкармалыгынын кабылдамасына белгисиз бирөө кол салып, башкармалыктын кызматкерин өлтүргөн. Ал эми Талантбек Жумаев жараат алган.
ФСБнын маалыматы боюнча, учурда бул ишти иликтеп-тергөө чаралары жүргүзүлүүдө. Ок чыгарган адамдын тек-жайы аныкталган. Ал 17 жаштагы жергиликтүү тургун экени, улутчул кыймылдар менен байланышы бардыгы айтылууда. (ZKo)
