Линктер

бейшемби, 23-ноябрь, 2017 Бишкек убактысы 14:03

Бүгүн Кыргызстанда Эмгекчилердин тилектектиштик күнү белгиленет


Кыргызстандагы жумушсуздардын көбүн аялдар түзөт.

Эмгекчилердин эл аралык тилектештик күнүнө карата Кыргызстанда 1-май дем алыш деп жарыяланган.

Расмий маалыматтарга караганда, ушул тапта өлкөнүн жалпы калкынын сегиз пайызы жумушсуз. Эмгек жана социалдык өнүктүрүү министрлигинин билдиришинче, 55 миң адам жумушу жок деп каттоого алынган, анын 30 миңге чукулу аялдар. Бир жыл мурун эки жүз миңдей адам ишсиз экени айтылган.

Америкада жумушчулар 8 сааттык иш күнүн орнотуу талабы менен 1886-жылдын 1-май күнү нааразылыкка чыгышкан. Полиция акцияны күч менен басып, кан төгүлгөн.

1889-жылы жумушчулардын II Интернационал бирикмеси негизделген. 1890-жылдын 1-майында Европанын бир катар мамлекеттеринде Эмгекчилердин эл аралык биримдик күнү белгиленген.

Кыргызстанда алгач 1919-жылы Пишпек шаарында уюштурулган.

Жумушчулардын эмгек укугун коргоо максатында бул күн дүйнөнүн жүзгө чукул өлкөсүндө майрамдалат. (SE)

Facebook шеринеси

XS
SM
MD
LG