2-майда Талас, Ысык-Көл, Нарын облустарынын дыйканчылык аймактарында, Чүй, Ош, Жалал-Абад, Баткен облустарынын тоо этектеринде -1…-3 градус суук болуп, үшүк жүрүшү күтүлөт. Мындай үшүк жемиш бактарынын гүлдөрүнө, бүчүрлөрүнө, гүлдөгөн жер-жемиштерге, жашылчаларга коркунучтуу.
Күтүлүп жаткан жаан-чачынга байланыштуу тоолуу автожолдордо кар көчкү коркунучу сакталууда. Автоунаалардын ортосундагы 500 метр аралыкты кармоо сунушталат. Тоо этектериндеги райондордо сел жүрүшү, дарыяларда суунун дэңгээли көтөрүлүшү мүмкүн.
2-майда түнкүсүн Чүй, Талас, Ысык-Көл, Нарын облустарынын айрым жерлеринде жаан, тоолуу райондордо кар жаайт. Күндүз жаан-чачын болбойт. Батыштан соккон шамалдын ылдамдыгы секундуна 4-9 метрден, Ысык-Көл ойдуңунда 15-20 метрге жетет.
Абанын температурасы:
Чүй өрөөнүндө түнкүсүн 2…7, күндүз 17…22;
Суусамыр өрөөнүндө түнкүсүн -8…-13, күндүз 5…10;
Таласта түнкүсүн 2…7, айрым жерлеринде 0…-2 градус үшүк жүрөт, күндүз 15…20;
Баткен облусунда түнкүсүн 4…9, күндүз 17…22;
Ош, Жалал-Абад облустарында түнкүсүн 4…9, күндүз 17…22;
Ысык-Көлдө түнкүсүн 1…6, айрым жерлерде 0…-2 үшүк жүрөт, күндүз 9…14;
Нарында түнкүсүн -1…-3, күндүз 9…14;
Бийик тоолуу райондордо түнкүсүн -13…-18, күндүз -2…+3 градуска чейин жылыйт.
Бишкекте түнкүсүн жаан жаайт. Батыштан соккон шамалдын ылдамдыгы секундуна 4-9 метрге жетет. Абанын температурасы түнкүсүн 4…6, күндүз 19…21 градус ысык болот.
Facebook шеринеси