АКШ президенти Дональд Трамп менен Орусия президенти Владимир Путин шейшембинин кечинде (Бишкек убактысы боюнча 22.30) телефондон сүйлөшөт.
Бул тууралуу Ак Үйдөн кабарлашып, лидерлер Сирия жаңжалын талкуулашарын билдиришти. 7-апрелде АКШ Сирия өкмөтү элине химиялык курал колдонду деп Асаддын аба базасына сокку урган. Орусия муну кескин айыптап чыккан. Кийинчерээк Путин Вашингтон-Москва алакасы Обаманын тушундагыдан да начарлап кеткенин айткан эле.
Ошондон бери эки лидер байланыша элек болчу. Ага чейин эки ирет, Трамптын инаугурациясынан кийин жана Санкт-Петербургдагы терактка байланыштуу телефондон сүйлөшкөн.
