Италиялык «Ювентус» жана франциялык «Монако» командалары Европанын чемпиондор лигасынын алкагында алгачкы жарым финалдык беттешин өткөрүштү. УЕФАнын расмий сайтындагы маалыматка караганда, «Монакого» конокко барган «Ювентус» 2:0 эсеби менен жеңишке жетти. Эки голду тең аргентиналык чабуулчу Гонсало Игуаин киргизди. Эми жооптук беттеш 9-майда өтөт.
Шаршембиде ошондой эле Европа лигасынын алгачкы жарым финалдык оюну да болду. Анда Амстердамдын "Аякс" командасы өз талаасында франциялык "Лионду" 4:1 эсебинде утту. Бул жуптун ортосундагы жооптук беттеш 11-майда өтөт.
Европа лигасынын жарым финалынын алкагында бүгүн испаниялык "Сельта" жана англиялык "Манчестер Юнайтед" командалары беттешет.