Францияда жекшембидеги президенттик шайлоонун экинчи айлампасында добуш бергендердин саны мурдагыдан аз. Өлкөнүн Ички иштер министрлиги билдиргендей, жергиликтүү саат боюнча 17:00гө чейин шайлоочулардын 65 пайызы добуш берди. Бул көрсөткүч 2012-жылга (72%) салыштырмалуу 6 пайызга, 2007-жылга (75,1%) караганда 10 пайызга аз.
Францияда акыркы добушканалар жергиликтүү убакыт боюнча саат 20:00дө жабылат. Шайлоонун экинчи айлампасында борборчул талапкер Эммануэл Макрон жана ашынган улутчулдардын лидери Марин Ле Пен ат салышууда.
Шайлоонун 23-апрелдеги биринчи айлампасында 11 талапкер ат салышып, шайлоочулардын 70% добуш берген. Шайлоо бекеттеринде сурамжылоо жүргүзгөн кызматтардын маалыматына караганда, Макрон добуштардын 24%, ал эми Ле Пен 22% ээ болгон.
Facebook шеринеси