Бишкек-Ош жолунун Кара-Көл шаарынын аймагынан өткөн бөлүгүнө кулаган таш түндө тазаланып, жол бир тараптуу ачылды. Өзгөчө кырдаалдар министрлигинин басма сөз кызматы билдиргендей, 15-майда кечки саат тогуз жарымдарда тоодон түшкөн шагыл таш жолду жаап, эки тарабында 1000ге чамалуу машине топтолуп калган.
Министрликтин адистери түнү менен иштеп, жол 16-май күнү эртең менен саат сегизге жакын бир тараптуу ачылды. (SE)