Линктер

ЧУКУЛ КАБАР!
26-Октябрь, 2021 шейшемби, Бишкек убактысы 12:37

Чоң-Алайга талапка жараша жардам көлөмү көбөйөт


Жер силкинүүдөн улам жарактан чыккан үйлөрдүн бири

Чоң-Алайда жер силкинүүдөн жабыркагандарга арзандатылган баада берилип жаткан курулуш материалдарынын көлөмү тургундардын суранычы менен көбөйүшү мүмкүн. Өкмөттүн Ош облусундагы өкүлчүлүгүнүн басма сөз катчысы Жумамидин Сулайманкулов "Азаттык" радиосуна билдиргендей, Кызыл-Кыя цемент заводунан 2000 тонна цемент алууга келишим түзүлдү. Баасы 5 сом 10 тыйындан болот. Ал эми базардагы наркы 5 сом 70 тыйын. 16-майда биринчи партия менен 120 тонна, экинчи партияда 80 тонна жөнөтүлдү.

Материалдар Кара-Тейит, Карамык, Жекенди жана Шибээ айылдарына таратылууда. Андан тышкары обладминистрация 10 тонна азык-түлүк, Өзгөчө кырдаалдар министрлиги баш калкалоочу чатырларды гуманитардык жардам катары берди.

Чоң-Алай районунда 3-5-май күндөрү күчү 7 баллга чейин бир канча жер силкинүү катталган. Жүздөгөн үйлөрдөн жарака кетип, авариялык абалга кептелген. Жер титирөөдөн Баткен облусунун Кадамжай районунда да ондогон турак жайларга жарака кеткен. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG