Бишкектеги эски аянтта бүгүн бешинчи "Айыл-АГРО 2017" эл аралык көргөзмөсү ачылат. Бул көргөзмө жыл сайын уюштурулуп, ага 20дай өлкөдөн ондогон ишканалардын айыл чарба техникалары коюлат. Андан тышкары жер семирткичтер, биотехнология, өсүмдүктөрдү коргоочу заттар, дарылар жана мал чарбасына керектүү жабдуулар көрсөтүлөт.
Иш-чаранын ачылышына премьер-министр Сооронбай Жээнбеков катышарын өкмөттөн кабарлашты. (SE)
