Оппозиция лидери Алексей Навальный жана анын өнөктөштөрү бийликтерден антикоррупциялык демонстрацияларды 12-июнда Москвада жана башка бир катар шаарларда өкөрүүгө уруксат сурап, расмий кайрылышты.
Бирок, Навальныйдын өзүнүн 29-майда интернет баракчасында билдиргенине караганда, демонстрациялар ал күнү бийликтер уруксат берген - бербегенине карабай уюштурулат.
12-июнь-Орусия күнү, башкача айтканда, өлкөдө майрам күн.
Навальный кошумчалагандай, бул күнү активисттер демонстрацияларды Орусиянын 200дөн ашуун шаарында уюштурууну көздөөдө.
Буга чейин 26-марттагы антикоррупциялык жүрүшкө Орусия боюнча он миңдеген адам чыгып, Москвада полиция 1000дей адамды кармап, анын ичинде Навальныйдын өзү 15 суткага кесилген болчу.
Ал буга чейин 2018-жылкы президенттик шайлоого катышарын да жарыялаган. (UE)
