Линктер

ЧУКУЛ КАБАР!
23-Октябрь, 2021 ишемби, Бишкек убактысы 21:12

Түркмөнстанда ыктымал "гүленчилер" кармалып жатат


Түркмөнстандагы абак.

Түркмөнстандын Лебап облусунда бозгунда жүргөн диниятчы Фетхуллах Гүлендин кыймылына катыштыгы бар делген шек менен соңку бир ай ичинде элүүдөн ашуун киши кармалды.

Түркмөнстандын коопсуздук күчтөрүндөгү ишеничтүү булактар "Азаттыктын" түркмөн кызматына билдиришкендей, Астана-Баба шаарында 23-апрелде ири рейд жүргүзүлгөн. Маалым болгондой камалгандардын көбү түрк лицейлеринин бүтүрүүчүлөрү же мугалимдери.

Бул маалыматты өкмөттөгү булактар да ырасташты. Биринчи жолу Түркмөнстандагы "гүленчилерди" кармоо өткөн жылдын октябрь айында башталган. Анда 150дөй киши кармалганы маалым болгон. Бирок көбү тергөө иштеринен кийин бошотулганы, ал эми айрымдары узак убакытка камакта калганы кабарланган.

Түркиянын бийлиги өткөн жылдын жай айларында болгон төңкөрүш аракетинин артында АКШда бозгунда жүргөн диниятчы Фетхуллах Гүленди айыптаса, Гүлен өзү бул дооматтарды четке кагып келет. Мындан улам расмий Анкара Борбор Азия мамлекеттерине кайрылып бул кыймылга тиешеси бар мекеме-уюмдарды жабууга чакырган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG