Өзгөчө кырдаалдар министрлигинин маалыматына караганда, Талас суусуна чөгүп кеткен кыздын сөөгү табылды. 29-майда саат 22:00 чамаларында Миң-Булак айылындагы Талас суусуна 2007-жылы туулган Т.Ж.Н. агып кеткен. Издөө иштерине министрликтин өрт-куткаруу бөлүмүнүн 12 куткаруучусу тартылган.
Жаан-чачындын көп болгонуна байланыштуу Кыргызстандын көп аймактарында дарыялар кирип, сел коркунучу жаралууда. Министрлик жарандарга сак болууну эскертүүдө. (КЕ)