Токтогул районунда 200 гектар жерди жана Үч-Терек айыл аймагын тейлеген суу сактагыч курулду. Бул тууралуу райондук акимчиликтин агрардык өнүктүрүү бөлүмүнүн башчысы Тазабек Сарпашев "Азаттык" радиосуна билдирди.
2014-жылы курулушу башталган суу сактагыч Токтогул районунун өнүктүрүү фондунун эсебинен 16 млн сомго бүттү. Учурда 400 миң куб метр суу топтолуп, июль айында талааларга бериле баштайт.
Буга чейин айылдыктар Ак-Терек сууну сордургуч станциясынан пайдаланышкан.
Быйыл районду өнүктүрүү фондунун эсебинен 84 гектар жерге суу жеткирген Боз-Тектир каналы, 230 гектар аянтты камтыган Белалды каналы да курулуп ишке берилди. Райондук фондго жыл сайын 70 млн сом каражат бөлүнүп, каражаттын көбү ирригациялык багытка жумшалат. (RsK)
