Милиция окуучунун өлүмүн иликтеп жатат. Ички иштер министрлигинин маалымат кызматынын өкүлү Эрнис Осмонбаевдин айтуусунда, окуя 5-июнда Свердлов районунда катталган. 15 жаштагы мектеп окуучусунун асынган сөөгү өз үйүнөн табылган.
- Экзаменден начарыраак баа алып калган окшойт. Ошол таасир эткендир. Балким бирөө менен урушкандыр. Так себеби азырынча белгисиз. Териштирүү жүрүп жатат, - деген Осмонбаев азарынча кылмыш иш козголо электигин айтты.
Адистер өспүрүм курактагы балдардын психикасы токтоло элек болгондуктан аларды туура тарбиялоо, жүрүм-турумун көзөмөлдөө зарылчылыгын белгилешет.
2015-жылы Кыргызстанда 100дөн ашуун өспүрүм өз жанын кыйганын акыйкатчы Кубат Оторбаев былтыр ноябрда билдирген болчу. (RK)
Сиздин пикир
пикирлерди көрсөт