Ысык-Көл жээгиндеги "Витязь" пансионаты Маданият, маалымат жана туризм министрлигине өткөрүлүп берилүүдө. Бул тууралуу "Азаттык" радиосуна өкмөттүн Ысык-Көл облусундагы ыйгарым укуктуу өкүлү Узарбек Жылкыбаев билдирди.
Жылкыбаевдин айтымында, маданият тармагынын кызматкерлери быйылтан тарта ал жерде эс ала баштоо мүмкүнчүлүгүнө ээ болушту.
Чок-Тал айылында жайгашкан "Витязь" пансионаты мурдагы президент Курманбек Бакиевдин тушунда анын уулу Максим Бакиев мыйзамсыз менчиктештирип алган деген негизде 2010-жылы бийлик алмашканда улутташтырылган. Эс алуу жайы Мамлекеттик мүлктү башкаруу фондунун карамагына өткөрүлүп алынган болчу. (RK)
