Линктер

ЧУКУЛ КАБАР!
14-Май, 2021 жума, Бишкек убактысы 18:29

Европа соту Орусиянын “гей пропаганда” мыйзамына каршы чечим чыгарды


Адам укуктары боюнча Европа сотундагы олтурумдардын бири.

Адам укуктары боюнча Европа сотунун бүтүмү боюнча Орусиянын “гей пропаганда” деп мүнөздөлгөн мыйзамы ой-пикир билдирүү укугун бузат жана кумсаларга каршы дискриминациялык мүнөзгө ээ.

Муну менен Страсбургда жайгашкан сот орусиялык үч активист: Николай Баев, Алексей Киселев жана Николай Алексеевдин доо арызын колдоду.

Алар сотко мыйзам адам укуктары боюнча Европа конвенциясынын жоболоруна каршы келерин айтып даттанышкан.

Европа сотунун билдирүүсүндө Орусия мыйзамынын максаты, жазылышы жана колдонулушу “дискриминациялык жана коомдун жүйөлүү кызыкчылыктары үчүн иштебейт, - деп көргөзүлөт.

Орусияда “салттуу эмес сексуалдык мамилелерди” жашы жете электер арасында жайылтууга тыюу салган федералдык мыйзам 2013-жылдын июнь айынан тарта күчүнө кирген.

Мыйзамды сынчылар гомосексуализм боюнча коомдук талкуулардын баарына тыюу салат деп айыптаса, бийликтер ал балдардын кызыкчылыгында жасалган иш экенин айтып келишет. (UE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG