Израилдин аскерий аба күчтөрү ишемби күнү Сирия армиясынын Голан дөңсөлөрүндөгү бөлүктөрүнө сокку урду.
Израил армиясынын өкүлдөрүнүн билдиргенине караганда, ага чейин сириялык тараптан 10дон ашуун снаряд атылган, эч ким жабыркаган эмес.
Бирок ошого карабастан чек ара тилкесинде жашаган тургундарга этият болуу керектиги эскертилди.
Голан дөңсөлөрү 1967-жылдан бери Израил жана Сириянын ортосундагы талаш аймак болуп эсептелет. (RK)
