Пакистандын тоолуу Марри туристтик аймагында асма жолдогу фуникулёр кууш капчыгайга кулап түшүп, андагы он киши каза тапты. Дагы эки адам жараат алганын жергиликтүү бийлик өкүлдөрү 29-июнда билдиришти.
Баш калаа Исламабаддан түндүктү көздөй 30 чакырым алыс жайгашкан бул курорттогу фуникулёр убагында оңдолбогону маалым болду.
Пакистанда мындай кырсыктар көп катталат. Бул жолу фуникулёр 10 метрлик бийиктиктен кулаган.