Мамлекеттик органдардын жарандардын кайрылуу, арыз-даттанууларын кароосун жакшыртуу зарыл. Бул маселе бүгүн Бишкекте өтө турган жыйында талкууланарын “Азаттыкка” уюштуруучу уюм – Адам укуктары боюнча кеңештен кабарлашты.
Иш-чара Юстиция министрлиги жана Европа Биримдигинин “ Кыргызстанда укуктун үстөмдүгүн бекемдөөгө көмөктөшүү” долбоору менен бирге өткөрүлүүдө.
Максат – мамлекеттик органдар менен жарандык сектор ортосунда жарандардын кайрылууларын карап чыгуунун эффективдүүлүгүн жогорулатуу боюнча конструктивдүү диалог түзүү.
Кыргызстанда дээрлик ар бир өкмөттүк мекемеде жарандардын арыз-даттанууларын кабыл алуу иши жүргүзүлөт. Бирок натыйжа жок болуп жатканына нааразылык көп болорун укук коргоочулар айтып келет. (RK)
