Линктер

ЧУКУЛ КАБАР!
17-Октябрь, 2021 жекшемби, Бишкек убактысы 22:59

Таласта эки журналист сууга агып каза тапты


Иллюстрация

Таластагы 3-каналдын аткаруучу директору Сүйүн Өмүрбеков менен журналист Элмира Сүйүтбекова 1-июлда Беш-Таш суусуна агып кетип каза болушту. Аталган каналдын кызматкерлери ишембиде "Беш-Таш" коругуна эс алууга барышкан. Кесиптештеринин билдиришинче, кечки саат 20:00 чамасында Элмира Сүйүтбекова сууга бетин жууганы барганда буту тайып түшүп кеткен. Сүйүн Өмүрбеков аны куткарууга аракет жасап, артынан сууга түшкөн. Бирок экөө тең агып кетип, кесиптештери 200 метрдей аралыктан кийин чыгарышкан. Экөө тең ооруканага жетпей каза табышкан.

38 жаштагы Элмира Сүйүтбекова КТРКнын Таластагы кабарчысы болуп беш жылдан ашык убакыт иштеген. 2017-жылдын июнь айынан тарта жаңы ачылган жергиликтүү 3-каналда эмгектенип жаткан. Артында төрт баласы калды. 34 жаштагы Сүйүн Өмүрбеков аталган телеканалдын аткаруучу директору кызматында иштеп келген. Маркумдун артында үч баласы калды.

3-канал Таластагы Next TV телеканалынын базасында ачылган.

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG