Линктер

жума, 22-июнь, 2018 Бишкек убактысы 15:27

“Улуттук мекенчил күчтөрдүн биримдиги” уюму паспорттогу "улут" графасына байланыштуу Жогорку Соттун Конституциялык палатасына бүгүн арыз берди. Бул тууралуу "Азаттык" радиосуна аталган уюм түзгөн Туруктуу элдик кеңештин төрагасы Азимбек Бекназаров билдирди:

- Конституцияда ар бир жаран, ар бир адам өзүнүн кайсы этноско таандык экенин ээн-эркин, ачык көрсөтө алат деген жобо бар, бул укук эч кандай мыйзам, өкмөттүн токтому менен чектеле албайт деп жазылып турат.

Быйыл 23-майда “Улуттук мекенчил күчтөрдүн биримдиги” уюму Бишкекте улуттук курултай өткөрүп, кыргызстандыктардын ID картасына улутун ачык жазуу талабын коюшкан жана өкмөткө бул чечимин жокко чыгаруусуна бир айлык мөөнөт беришкен.

28-июнда уюм Бишкекте жыйын куруп, ошол курултайда кабыл алынган чечимдер аткарылбай жатканына байланыштуу сотко кайрылмай болгон.

Быйыл 1-майдан тарта Кыргызстан биометрикалык паспортко өттү. Анда жарандын улуту картанын сыртына эмес, тиркелген чиптин ичине жазылат. (RK)

Сиздин пикир

пикирлерди көрсөт

XS
SM
MD
LG