Бүгүн президенттик шайлоодо үгүт иштерин чагылдырууну көздөгөн маалымат каражаттарынан документтерди кабыл алуу мөөнөтү аяктай турганын БШК билдирди.
Маалыматка караганда, 2-июлга карата кыргызстандык 61 жалпыга маалымдоо каражаты катталды. Алардын 14ү телеканал, жетөө радио, 21и гезит-журнал, 19у интернет басылмалар.
Кыргызстанда президенттик шайлоо 15-октябрга белгиленген. Талапкерлердин шайлоо алдындагы үгүт иштери 10-сентябрда башталып, 14-октябрда аяктоого тийиш. Саясий жарышта талапкерлигин коюуну көздөгөндөрдөн документтерди кабыл алуу 15-июндан тарта жүрүп жатат. (NT)
