Линктер

шаршемби, 22-ноябрь, 2017 Бишкек убактысы 23:03

Чаткалдын Чандалаш айылынын 30дай тургуну кечээ айылга жакын жерде кен казуу иштерин жүргүзүп жаткан “Консалидит Аврум” компаниясына тиешелүү техниканын ишин токтотуп салышты. Бул тууралуу "Азаттык" радиосуна жергиликтүү тургун Шербет Өскөнбаева билдирди.

- 40 түтүн эл жашаган айылга жакын жердеги дарыянын нугун буруп, токой аянттарын талкалап жатканын көрүп карап тура алган жокпуз. Дарыянын суусу айылды каптаса эмне болот? Ошол себептүү нааразылыгыбызды билдирип, техниканын иштөөсүнө каршылык көрсөттүк, - деди Өскөнбаева.

Чогулгандар менен Чаткал районунун акиминин орун басары Жуманалы Накетаев жолугушуп, алардын талаптарын укту.

Накетаевдин билдирүүсүндө, Геология жана минералдык ресурстар мекемесинен лицензия алган компаниянын жери бир аз токой аянттарын камтып калган, алар суунун нугуп бурууга аракет көрүп жаткан.

Компания өкүлдөрү менен өткөн жолугушуунун натыйжасында маселенин баары чечилгени, алар башка жактан казуу иштерин жүргүзмөй болгону айтылды.

“Консалидит Аврум” компаниясы былтыркы жылы 28,5 гектар жерге лицензия алып, казуу иштерин быйыл жаз айларында баштаган.

Чаткал районунун аймагында алтын казууга учурда 101 лицензия берилген болсо, алардын ичинен 8 компания гана иштеп жатат.(RsK)

Сиздин пикир

пикирлерди көрсөт

XS
SM
MD
LG