Линктер

ЧУКУЛ КАБАР!
7-Май, 2021 жума, Бишкек убактысы 10:39

Атамбаев террорчулукка билимсиздик түртүп жатканын айтты


Президент Алмазбек Атамбаев жаштарды эне тилди, улуттук салттарды жана маданиятты сактоого чакырып, террорчулукка билимсиздик түртөрүн эскертти.

- Акылга салбаган ишенимден корккула. Билим жолу менен гана жүргүлө. Ислам гүлдөп турганда арабдарда алгебра, алгоритм, сандар пайда болгон. Бирок кийинчерээк имамдар талашканга болбойт деп билим тууралуу эстен чыгарып, ошентип артка кетишкен, - деди президент.

Мамлекет башчы ошондой эле диний радикализмге агартуу жана билим аркылуу гана каршы турууга болорун эскертип "Билимсиздиктен улам өздөрүн жардырган террористтер жакшы иш жасап жатабыз деп ойлошот. Ислам боюнча өзүн өзү өлтүргөндөрдү адам катары мүрзөгө көмгөнгө болбойт” деди.

Бүгүн Бишкектеги мамлекеттик резиденцияда президент Алмазбек Атамбаев жалпы республикалык тестирлөөдөн жогорку упай алган мектеп бүтүрүүчүлүрүнө “Алтын сертификат” тапшырды. Мындай артыкчылыкка быйыл 55 улан-кыз татыды.(RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG