Бүгүн Талас шаарынын күнү белгиленип жатат. Буга байланыштуу облустагы Эшим Кутманалиев атындагы стадиондо спорттук жана маданий иш-чаралар уюштурулганын «Азаттык» радиосуна вице-мэр Чыңгыз Мураталиев билдирди.
Таласка шаар макамы 1939-жылы ыйгарылган. Административдик маанидеги борбор шаар Талас району менен чектешет.
Деңиз деңгээлинен 1280 м бийиктикте жайгашкан шаардын жалпы аянты 1 140 га түзөт. Аймагында автовокзал жана аэропорт бар, темир жолдон алыстыгы 120 чакырымды түзөт. (AlS)