Линктер

ЧУКУЛ КАБАР!
11-Май, 2021 шейшемби, Бишкек убактысы 10:56

НАТО Украинанын аймактык бүтүндүгүн бек колдоорун ырастады


Йенс Столтенберг

НАТО башкатчысы Йенс Столтенберг Киевдеги сапары учурунда альянс Украинанын аймактык бүтүндүгү үчүн "колдоо көрсөтөрүн" ырастады.

Ал ошондой эле өлкө чыгышындагы Донбасс аймагындагы кырдаалга токтолуп: "Ок атышууну токтотуу макулдашуусу сакталбай жатканы түшүнүктүү. Бизди аймакта ЕККУ байкоочуларына каршы коркунуч көбөйгөнү да тынчсыздандырат. Минск келишими тынчтыкка карай жалгыз жол бойдон кала берүүдө. Орусия миңдеген жоокерлерин Украинадан чыгарып кетип, жоочуларды башкаруу жана аскер техникалары жагынан колдогонду токтотушу керек", деди Столтенберг бүгүн Порошенко менен жолуккандан кийин.

Украин президенти Петр Порошенко 2020-жылга чейин НАТОнун стандарттарына төп келүү үчүн реформаларды жасоону убада кылды.

Украина чыгышы 2014-жылдан бери тынч эмес. Адегенде Крым Орусия тарабынан аннексияланып, кийин Донбасстагы орусиячыл жикчилдер өкмөткө каршы баш көтөргөн.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG