Линктер

ЧУКУЛ КАБАР!
21-Октябрь, 2021 бейшемби, Бишкек убактысы 10:25

Чыныбай Турсунбеков президенттикке талапкерлигин көрсөтөт


Жогорку Кеңештин төрагасы Чыныбай Турсунбеков.

Кыргызстандын Жогорку Кеңешинин төрагасы Чыныбай Турсунбеков алдыдагы президенттик шайлоого катышат. Бул тууралуу ал бүгүн КСДПнын курултайында (съезд) билдирди.

Ал өзү мүчө болгон бул партиянын ичинде эч кандай бөлүнүп-жарылуу жок экендигин, тек гана КСДПдан бир талапкерге көбүрөөк болоорун, бул - демократиянын белгиси экенин айтты.

Турсунбеков ошондой эле партиянын ичинде өзгөрүү болушу керектигин, ага башка күчтөр да көз салып турганын, кызмат үчүн мүчө болуу туура эмес экенин кошумчалады. Ал КСДПга кирген 6 жыл ичинде көп иштер чогуу аткарылганын белгиледи.

КСДПнын курултайынан. Бишкек. 15.07.2017.
КСДПнын курултайынан. Бишкек. 15.07.2017.

Залда отургандардын айрымдары Ч.Турсунбековдун сөзүн бөлүүгө бир нече жолу аракет жасаганда, ал партиянын чечимине каршы чыккандар болбошу керек деген талап коюлганын түшүнөөрүн айтты.

Бүгүн КСДП партиясы Бишкекте кезектеги курултайын өткөрүүдө. Күн тартибине партиянын соңку жылдагы ишмердүүлүгүнүн жыйынтыгын чыгаруу жана премьер-министр Сооронбай Жээнбековду президенттикке талапкер кылып көрсөтүү маселелери коюлган. (KE/RK)

Пикирлерди көрүңүз (43)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG