Линктер

ишемби, 25-ноябрь, 2017 Бишкек убактысы 04:19

Эң абройлуу математика медалын алган жалгыз илимпоз айым дүйнө салды


Профессор Мариям Мирзахани. Сеул ш., Түштүк Корея. 13.8.2014.

Математика боюнча дүйнөдөгү эң абройлуу сыйлыкка - Филдс медалына илимпоз айымдардын ичинен ээ болгон жалгыз өкүл, АКШдагы атактуу Стенфорд университетинин профессору Мариям Мирзахани рак илдетинен каза болгонун Ирандын маалымат каражаттары кабарлоодо. Ал АКШнын ооруканаларынын биринде 15-июлда көз жумду.

Теги ирандык профессор аялга кадыр-барктуу эл аралык математикалык сыйлык 2014-жылы Сеулдагы эл аралык математикалык конференцияда башка да үч илимпоз менен чогуу тапшырылган.

Мирзахани 1977-жылы Тегеранда туулган, 2004-жылы Гарвард университетинде докторлугун жактаган. Ал адаттан тыш геометриялык формалар боюнча эксперт болчу. Ээр же спираль формасындагы заттардын көлөмүн эсептөөнүн өзгөчө жолун тапкан.

XS
SM
MD
LG