Линктер

ЧУКУЛ КАБАР!
22-Октябрь, 2021 жума, Бишкек убактысы 11:40

Украина менен Молдованын ортосундагы чек ара өтмөгү ачылды


Павел Филип менен Петро Порошенко.

Украина президенти Петро Порошенко менен Молдованын премьер-министри Павел Филип 17-июлда эки мамлекеттин ортосундагы чек ара өтмөгүн ачышты. Өтмөктүн Молдовадагы бөлүгү өзүн эркин деп жарыялап алган Приднестровье республикасына карайт.

Көзөмөл-өткөрмө бекеттин ачылыш аземинде сөз сүйлөп жатып Порошенко өз өлкөсү Молдованын аймактык бүтүндүгүн толугу менен колдой турганын, анын калыбына келишине жардам берүүгө даяр экенин билдирди.

Приднестровье бийлиги Украина менен Молдованын ортосундагы чек ара өтмөгүнүн ачылышын айыптап, муну республиканы экономикалык жактан кысымга алуу катары баалады.

Москва колдоого алган Приднестровье Молдовадан 1990-жылы бөлүнүп чыккан. 1992-жылы Молдова менен жикчилдер ортосунда жаңжал болуп, ага орусиялык аскерлер кийлигишкен. Приднестровьенин көз карандысыздыгын бир дагы мамлекет тааный элек. Аймакта Орусиянын 1200 аскери бар. Кишинев бир нече жолу Приднестровьеге эл аралык тынчтык орнотуучу күчтөрдү киргизүүнү сураган.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG