Кыргызстандын Аскер күчтөрүнүн курама командасы Орусиядагы танка боюнча биатлонго катышууга даярданууда.
Эртең, 20-июлда кыргызстандык аскерлер Москва районундагы Алабино аймагына жарышка катышуу үчүн жөнөп кетет. Башкы штабдан кабарлашкандай, чемпионат августта өтөт. Ал эми танкалар менен уюштуруучулар камсыз кылат. Өлкө намысын Кыргызстандын Куралдуу күчтөрүнүн төрт экипажы коргомой болду.
Орусия "Танкбиатлону" мелдешин жыл сайын өткөрүп келет. Ага Кыргызстан 2013-жылдан бери катышат. Кыргызстандык танкачылар азырынча байгелүү орундарды ала элек. Өткөн жылы мелдешке 17 өлкөнүн өкүлдөрү катышкан.
